الرئيسيةالبوابةس .و .جبحـثالأعضاءالمجموعاتالتسجيلدخولقران كريم

شاطر | 
 

 منك لله ياستي !!!!!!!!!!

اذهب الى الأسفل 
كاتب الموضوعرسالة
autumn_leaves
مشرفه
مشرفه
avatar

انثى عدد الرسائل : 60
العمر : 23
مزاجى اليوم :
المهنه :
الهوايه :
  :
تاريخ التسجيل : 13/02/2009

مُساهمةموضوع: منك لله ياستي !!!!!!!!!!   الأحد فبراير 22, 2009 10:08 pm


منك لله يا ستي!!

-الله أكبر الله أكبر..أذان الظهر..



-يارب.. يارب بحق ده الآدان تنجح يا نون يابن ابنى وأشوفك دكتور أد الدنيا
-ياستى أزاي بس أنا فى تجارة
-وماله يابنى هو يكتر على ربنا...... ده ربنا قادر على كل شئ
-ياستى ونعم بالله بس اللى بيطلع دكتور لازم يكون فى كلية الطب مش التجارة
-ياللا تجارةتجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا
-ياستى التجارة اللى فى الوكالة حاجة واللى فى الكلية حاجةتانية
-ع العموم شد حيلك أنتا وانا أخلى جدك يخدك معاه الوكاله عشان تتدردح و تتودك فى السوق
-جدى إيه اللى هايخدنى معاه .....ده جدى مات من زمان ياستى
-يامصيبتى عبد الواحد مات..ياحبيبى ياأخويا..مكنش يومك ياسبعى
-ياستى ده ميت من تلتين سنة
-تلتين سنه..ده العمر بيجرى ياولاد تصدق ولا حسيتبيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ماعمره دخل عليه ببطيخة ولاكيس جوافة
-ياستى حرااام عليكى عايز أذاكربقى
-يوه..وأنا ماسكاك ياوله..ذاكر ...ذاكر عشان ربنا يكرمك وتنجح وتاخدالدبلون
-ياستى دبلون إيه..أسمه البكالوريوس
-أنتا هتضحك عليه ياوله..أسمهالدبلون الواد ابن فايزة جدع زيك كده فى مدرسة التجارة وخد الدبلون
-خلاص دبلون دبلون ياستى ..سيبينى بقى عشان أذاكر
-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان
-ياستى عبير دى معاها أعدادية
-وماله يابنى ...الراجل مايعبهوش إلا جيبه
-راجل ...راجل مين ياستى...عبير دى بنت
-عبير ...عبير مين ياوله..أنتا بتعرف بنات من ورانا
-لا إله إلا الله....أبوس رجلك ياستى أرحمينى بقه
-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى
-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوكي مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان
-حراااااااااااااام ............ستى ماتطلعى البلكونة شويه ...دهالهوا حلو بره
-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى
-خلاص روحى المطبخ ...أهو زمان أمى خلصت الرز
-رز...رز إيه يابنى....هوأنا ليه سنان للرز...أناهطلع البلكونه أحسن
-طب أبقى خلى بالك مالهوى ياستى
-هوى لما يلطشك



الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ماأكتب أهم حاجة فيها
ياترى أنا كان إسمى إيه؟؟ ياترى كان إسمى إيه؟؟

---------- تحياتي لكم

منقوووووووووووووووووووووووووووووووووول مستنيه الردود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
المدير العام
المدير العام
avatar

ذكر عدد الرسائل : 98
العمر : 28
المهنه :
الهوايه :
  :
تاريخ التسجيل : 14/06/2008

مُساهمةموضوع: رد: منك لله ياستي !!!!!!!!!!   الإثنين فبراير 23, 2009 8:33 am

ههههههههههههههههههههههههههههههههههههههههههه
ربنا ينجحه
بس انتى تفتكرى اسمه ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://m1m1s.jeeran.com
autumn_leaves
مشرفه
مشرفه
avatar

انثى عدد الرسائل : 60
العمر : 23
مزاجى اليوم :
المهنه :
الهوايه :
  :
تاريخ التسجيل : 13/02/2009

مُساهمةموضوع: رد: منك لله ياستي !!!!!!!!!!   الإثنين فبراير 23, 2009 8:33 pm

اسمه
ناسي اسمي
او مجهول الهويه بايني كدا ماهي نينته عملت له رستارت ومسحت الذاكره بكوريكتير
مرسي يامصطفي علي الرد ونورت التوبيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
منك لله ياستي !!!!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اصحاب جدعان :: المنتدى العام :: اضحك من القلب-
انتقل الى: